E’ FFUOCHE D’ARTIFIZIO

E’ ricorde so’ ffuoche d’artifizio:
te saglie ritto e’mpressa,
int’’o cielo scuro, nu lumicino e da isso n’escheno tant’ate,
e ognuno ‘e loro ne manna n’ato, e chisto n’ato ancòra…,
e ‘a rosa ‘e lumicine s’allasca…, s’allasca…,
e po’ s’arape ncoppa a tte ‘n’umbrello ‘e cìento culòri,
ca, calannote addosso, te riempe ll’uòcchie e ‘o core d’allaria!

Accussì, ‘e ricorde e ‘na vita, nuje, ce li sceglìemmo
e po’ ci caricammo ‘e culòre co’ ‘o pennello d’ ‘a fantasìa,
e ‘i sentimmo trepidà pur’int’ ‘o selenzio cchiù assulùto.

Ma quanno so spegnute, chille ffuoche culurate,
arremane ‘o cìelo scuro, chin’ ‘e fùmmo!
E chillo fùmmo griggio porta ‘e ricorde
ca so’ cchiù grigge ‘e isso:
ma nun sentimmo ‘e bòtte e ‘o trepidìo,
ca so’ ricorde triste, sord’ e mute,
comme i dulure ‘e l’anema:
ca nun li po’ senti’ nisciuno!, a fòra ‘e Te!