 |
|
 |
||||||||||
|
|||||||||||||
  Opere pubblicate: 19992
|
E so’ schiòppate ‘e sciùre l’aria adduròsa trase e rint’ ‘e véne saglie desiderio d’ammòre. Fermate tìempo! Ca po’ vene a Staggione,(1) cu ‘na mazzìata ‘e Sole, ‘nfrange ‘o cristallo ca ‘ncartàva ‘a vita; t’abbruscìa ‘ntuorno e, quanno Autunno vene, cenìsa chiove! E, appriesso, ‘o Vierno, t’affoga ‘o core ‘e làcreme gilate e rint’ ‘e vene saje ‘na fridda pecundrìa d’ ‘o tempo dell’ammòre. E, Tu, aspiétte ‘a Primmavera cu ‘na schiòppata ‘e sciùre, ca te ‘mpazza ‘o core! Ma, mo, pe’ mme, int’ ‘a nu friddo Vierno ‘o tiempo s’arrestaje, lassannome sulamente nu tennero calòre d’ ‘e ricorde! ……………………………………. (1) Staggione = Estate
Non sono presenti notizie riguardanti questa opera.
|
