Tirava ‘a carrettella co doje manelle fridde ‘a piccerélla:
“Oi né…! Chi tene ‘e pezze?!”
“Jettate, jettate int’ ‘a carretta mia!”
E n’accattava assaje ‘ncoppa ‘a jurnata:
ereno pezze viecchìe,
c’aviveno vestito signore e puverelle.

A sera, int’ a nu vascio scuro,
stracche ‘e gambe e ll’uòchie chin’ ‘e luce,
jeva fruganno ‘nmiezzo ‘e stracce:
“’o rosso!, ‘o giallo!, ‘o verde mare, o rosa…!!”
Tutt’attuòrno, mo, sell’arravugliava
dint’ ‘a na fenestella, addosso ‘o muro niro, se spicchiava
e, int’ ‘a maraviglia:
“’O Vi’!, ‘sta fata, ‘sta damma…., songh’‘Io!?”
Po’ jeva a cogliere doje sciurille ‘e prato
e, cu ‘e manelle ‘ntrecciava a curona
pe’ s’accuncià’ i capilli.
Mo, còrreva…, còrreva…., int’ ‘a n’andròne
‘e nu palazzo ‘e ggente bbene;
e còrreva, e giràva….: comm’a ‘na danza, poje, se mettette a fa’
- facendo reverenze cà e là -
mentre cu ‘a ménte jettava ‘a ‘o fuòco a carrettèlla soja:
steva aspettanno ‘o Prencepe….!

………Ma, ‘o juorno apprìesso…………:
“Oi né…! Chi tene ‘e pezze…..! Jettate, jettate…,
int’ ‘a “carrozza mia…!”
Tirava ‘a carrettella mentre penzava ‘a ‘o Prencepe
- ca nun giungette maje -
c’ ‘o còre friddo friddo, a Piccerella!

Non sono presenti notizie riguardanti questa opera.