E ‘a Terra chiagne!
Jesce nu ségliuzzo, (1) comme nu tuono!
Jesce nu suspiro, nu frémmeto,
ca tutta ’a fa tremmà’.
E tremma! E tremma ‘a Terra!
E nun se ’mpuorta de’ guaje ca a’ ‘o Munno va purtanno,
pecché ha da chiàgnere…, e se sfoca!
E pecché chiàgne ‘a Terra?
Issa s’è missa scuòrno,
p’ ‘o male ca se va facendo ‘ncoppa a faccia soja,
crìata ‘a Ddio pe’ tutt’ate ccose:
p’ ‘a vita e pe’ l’Ammore!
Ma.., l’Ommo, mo, combina “ ‘o 48”!
Oi, Terra mia!, mo lassa perde’ ‘o scuòrno
e co’ pacìenza, Tu, faje scutulià’ (2) nu sisma…:
ma nu sisma “smerzato!”, (3)
ca metta ‘npiedi ‘e ccase c’aje scatasciàto:
petra e petrella assetta a’ ‘o posto buòno…,
ma pure ‘int’all’Ommo
aje ‘a scutulìa nu bello terramòto,
ca ce assiettasse a’ ‘o posto buòno
‘o còre e ‘o cereviéllo!


…………………………………
(1) ségliuzzo = singhiozzo
(2) scutulià’ = smuovere
(3) smerzato = rovesciato




I Premio al Concorso PREMIO NAZIONALE DI POESIA “ROMA OGGI”
Indetto da “A.R.C.A.R.” (Associazione Regionale) XI Edizione, Marzo 1982

Non sono presenti notizie riguardanti questa opera.